Object reference not set to an instance of an object.


Fósturlát eftir 18 vikna meðgöngu

Við fósturlát eftir 18 vikna meðgöngu skapast 2 mánaða sameiginlegur réttur foreldra til fæðingarorlofs. Foreldrar geta skipt réttinum milli sín eða annað tekið hann í heild. Lágmarkstími fæðingarorlofs er tvær vikur í senn og réttinn þarf að taka á næstu tveimur mánuðum frá þeim degi að fósturlátið á sér stað.

Andvanafæðing eftir 22 vikna meðgöngu

  • Við andvanafæðingu eftir 22 vikna meðgöngu skapast sjálfstæður réttur foreldra til fæðingarorlofs í allt að 3 mánuði fyrir hvort foreldri um sig. Lágmarkstími fæðingarorlofs er tvær vikur og réttinn þarf að taka á næstu þremur mánuðum frá þeim degi að andvanafæðing á sér stað.
  • Foreldrar eiga sameiginlegan rétt á lengingu fæðingarorlofs um þrjá mánuði fyrir hvert barn umfram eitt sem fæðist andvana eftir 22 vikna meðgöngu.

Gögn sem þurfa að berast

Gögn sem þurfa að berast auk hefðbundinna umsóknargagna:

  • Læknisvottorð eða staðfesting frá sjúkrahúsi þar sem tímalengd meðgöngu kemur fram og móðerni og faðerni barnsins, þ.e. hverjir eru foreldrar barnsins.
  • Hafi foreldri skilað umsókn til Fæðingarorlofssjóðs áður en til fósturláts eða andvanafæðingar kom gæti þurft að skila nýrri tilkynningu um tilhögun fæðingarorlofs.

Greiðslur

Um greiðslur fer samkvæmt sömu reglum og koma fram undir liðnum greiðslur úr Fæðingarorlofssjóði.


Var efnið hjálplegt?

Þakka þér fyrir þitt álit.
Það væri gagnlegt að vita meira um hvað þér finnst.

Hvað er helst að?

Hunang vefstofa Merki Hunang vefstofu

Þessi vefur notar vefkökur (e. cookies).

Sjá nánar í persónuverndarstefnu Vinnumálastofnunar.