Fréttir 02 2017

Góður árangur af samstarfsverkefni Vinnumálastofnunar og Reykjavíkurborgar

Vinnumálastofnun hefur gefið út yfirlitsskýrslu um árangur samstarfsverkefnis við Reykjavíkurborg og lítur að þjónustu við atvinnuleitendur sem ekki eru tryggðir í atvinnuleysistryggingakerfinu og eru á fjárhagsaðstoð í Reykjavík. Um er að ræða verkefni sem krefst mikils og sveigjanlegs samstarfs ríkis og sveitarfélags til þess að aðstoða alla atvinnuleitendur við það að komast í störf eða nám. Skýrslan gefur yfirlit um árangurinn á árinu 2016 sem sýnir að 71% atvinnuleitenda sem nýttu sér þjónustuna fóru í starf eða nám. Þar kemur einnig fram að meðaltími atvinnuleitenda í þjónustu er 105 dagar áður hann fer í starf.
Góður árangur sem bæði Vinnumálastofnun og Reykjavíkurborg eru stolt af fyrir hönd sinna skjólstæðinga.

Lesa meira

Áríðandi tilkynning til þeirra sem hafa fengið greiddar atvinnuleysisbætur vegna rekstrarstöðvunar í sjómannaverkfalli

Sjómannaverkfallinu er nú lokið góðu heilli. Vinnumálastofnun vill minna starfsfólk fiskvinnslustöðva sem hefur fengið greiddar atvinnuleysisbætur vegna rekstrarstöðvunar í sjómannverkfallinu á að afskrá sig af atvinnuleysisbótum um leið og vinna hefst.
Afskráning er afar mikilvæg því ef það gleymist þá kunna greiðslur bóta til einstaklinga að halda áfram og þá getur komið til skuldamyndunar hjá stofnuninni vegna ofgreiddra bóta með óþarfa eftirmálum.
Hægt er að afskrá sig með tilkynningu á ,,Mínum síðum“, senda tölvupóst á ,,postur@vinnumalastofnun.is“, hringja í síma 515-4800 eða koma á næstu þjónustuskrifstofu stofnunarinnar.

Lesa meira

Skráð atvinnuleysi í janúar var 3,0%

Vinnumálastofnun ákvað í upphafi árs að endurbæta hina mánaðarlegu skýrslu sem stofnunin gefur út um vinnumarkaðinn og þjónustuna í hverjum mánuði. Nú kemur janúarskýrslan því út í nýju útliti í fyrsta skiptið og er það von okkar að hún muni reynast fólki auðveld og upplýsandi við lestur.

Lesa meira

Félags- og jafnréttisráðherra opnar nýja vefsíðu

Þorsteinn Víglundsson félags- og jafnréttisráðherra opnaði á föstudaginn nýja vefsíðu sem Vinnumálastofnun hefur sett upp í samvinnu við Ríkisskattstjóra, Vinnueftirlitið, Alþýðusamband Íslands og Samtök atvinnulífsins. Um er að ræða upplýsingasíðu þar sem nálgast má fræðslu um réttindi og skyldur erlendra þjónustufyrirtækja sem senda fólk til starfa hér á landi auk laga reglna sem gilda um starfsemi starfsmannaleiga hér á landi.

Lesa meira

Vinna við breytingar á póstþjóni Vinnumálastofnunar

Verið er að vinna við breytingar á póstþjóni Vinnumálastofnunar,
má gera ráð fyrir truflunum á póstsendingum til Vinnumálastofnunar fram á kvöld.

Lesa meira

Hópuppsagnir í janúar

Vinnumálastofnun bárust tvær tilkynningar um hópuppsagnir í janúar þar sem alls 61 starfsmanni var sagt upp störfum í mánuðinum, þar af 41 í heilbrigðis- og félagsþjónustu, og 20 í fiskvinnslu. Uppsagnirnar taka flestar gildi í apríl og maí 2017.

Lesa meira

Tenglar

Skrá mig á námskeið í ferilskrárgerð

Ferilskrárgerð

Nokkur góð ráð í

Atvinnuleitinni
 
Hunang vefstofa Merki Hunang vefstofu