Skráð atvinnuleysi í maí var 1,9% og minnkaði um 0,2 prósentustig frá apríl.  Að meðaltali voru 422 færri á skrá í maí í ár en í maí í fyrra (2016), en þá mældist skráð atvinnuleysi 2,2%.

Þann 1. júní sl. var kveðinn upp dómur í Hæstarétti Íslands um styttingu á bótatímabili atvinnuleysistrygginga úr 36 mánuðum í 30 mánuði. Í niðurstöðu dómsins kemur m.a. fram að óheimilt hafi verið að skerða bótarétt þeirra sem þegar höfðu virkjað rétt sinn til atvinnuleysisbóta fyrir 1. janúar 2015. Dómurinn hefur því ekki áhrif á þá sem fengu greiddar atvinnuleysisbætur í fyrsta sinn eftir 1. janúar 2015.