Umsókn um tímabundinn stuðning til  greiðslu launa vegna náttúruhamfara í Grindavíkurbæ

English - Polski

Vinnumálastofnun annast framkvæmd laga um tímabundinn stuðning til greiðslu launa vegna náttúruhamfara í Grindavíkurbæ.

Markmið laganna er að vernda afkomu fólks sem ekki getur sinnt störfum sínum vegna náttúruhamfara í Grindavíkurbæ með því að tryggja launagreiðslur til viðkomandi upp að ákveðnu hámarki. Jafnframt er markmiðið að viðhalda ráðningarsambandi atvinnurekenda og starfsfólks.

Opnað hefur verið á umsóknir fyrir einstaklinga  sem ekki fengu greidd laun fyrir tímabilið 11. til 30. nóvember sem og sjálfstætt starfandi einstaklinga með rekstur á eigin kennitölu. 

Opnað hefur verið á umsóknir fyrir atvinnurekendur. 

Þessi lög gilda um tímabundnar greiðslur og gilda frá og með 11. nóvember 2023 til og með 31. ágúst 2024 í eftirfarandandi tilfellum:

• Til atvinnurekenda á almennum vinnumarkaði sem greitt hafa starfsfólki laun sem geta ekki sinnt störfum sínum á starfsstöð í Grindavíkurbæ vegna náttúruhamfara.
• Til starfsfólks sem getur ekki sinnt störfum sínum á starfsstöð í Grindavíkurbæ og launagreiðslur hafa verið felldar niður.
• Til sjálfstætt starfandi einstaklinga sem geta ekki sinnt störfum sínum í Grindavíkurbæ.
• Opinberir starfsmenn og starfsmenn sveitarfélaga falla ekki undir þetta úrræði.

Hvað lýsir þínum aðstæðum?

• Ég er atvinnurekandi.
• Ég er einstaklingur sem sæki um stuðning til greiðslu vegna niðurfellinga launa.
• Ég er sjálfstætt starfandi.

Hafa samband

• Hægt er að senda fyrirspurnir  á netfangið studningur@vmst.is.
• Símatímar:þjónustuvers vegna stuðnings til greiðslu launa er: mánudaga til fimmtudaga milli kl. 9-11, í síma 531 7141.
• Einnig verður hægt að fá ráðgjöf og upplýsingar í Þjónustumiðstöð Grindavíkur í Tollhúsinu.
• Þá getur Snjallmennið Vinny  svarað spurningum varðandi stuðning til greiðslu launa. Vinny