Ráðningarþjónusta

Þjónustuskrifstofur Vinnumálastofnunar starfrækja ráðningarþjónustu og hafa á skrá fjölda hæfra einstaklinga sem búa yfir margs konar menntun og reynslu. Atvinnuráðgjafar vinnumiðlunar VMST aðstoða við ráðningarferlið og leitast við að veita einstaklingsmiðaða þjónustu sem er sniðin að óskum atvinnurekenda. Fyllsta trúnaðar er gætt.
Smelltu hér til að fara inn á þjónustuskrifstofur Vinnumálastofnunar

Auglýsa eftir starfskrafti

Atvinnurekendur geta auglýst eftir starfskrafti hjá þjónustuskrifstofum Vinnumálastofnunar með því að fylla út rafrænt umsóknareyðublað. Auglýsing  birtist samdægurs á vef stofnunarinnar og atvinnuráðgjafi leitar að starfsmanni við hæfi og sendir  nokkrar umsóknir. Þegar við á hafa atvinnuráðgjafar einnig umsjón með starfsviðtölum. Áhersla er lögð á samráð við atvinnurekanda bæði við gerð starfsauglýsingar og miðlun umsækjenda.

Vinnumálastofnun býður upp á ýmis vinnumarkaðsúrræði þar sem fyrirtæki geta sótt um styrk til að þjálfa nýja starfsmenn úr röðum atvinnuleitenda. Vinnumarkaðsúrræði er samstarf milli Vinnumálastofnunar og fyrirtækja, sveitarfélaga, stofnana eða frjálsra félagasamtaka sem eiga þess kost að ráða atvinnuleitendur með stuðningi Atvinnuleysistryggingasjóðs.  Hér er hægt að nálgast nánari upplýsingar um vinnumarkaðsúrræði. Atvinnuleitendur búa yfir margvíslegri reynslu, þekkingu og hæfni og ættu flest fyrirtæki að geta fundið starfsmenn við hæfi.
Helstu skilyrði fyrir ráðningu einstaklings í vinnumarkaðsúrræði eru að fyrirtækið þarf að vera skráð og í öruggum rekstri og hafi ekki sagt upp starfsmönnum síðustu mánuði.
Smelltu hér til að nálgast frekari upplýsingar og umsóknareyðublöð.

 

Eures

Þjónustuskrifstofur hafa einnig milligöngu vegna atvinnuleitenda af Evrópska efnahagssvæðinu.

 
Hunang vefstofa Merki Hunang vefstofu