Þjónusta við atvinnurekendur

Þjónustuskrifstofur Vinnumálastofnunar starfrækja ráðningarþjónustu þar sem atvinnurekendur geta auglýst eftir starfsfólki. Auglýsing nær til breiðs hóps og nýtur atvinnurekandi aðstoðar atvinnuráðgjafa við ráðningarferlið. 

Við höfum á skrá fjölda hæfra einstaklinga sem búa yfir margskonar menntun og reynslu sem gæti hentað þínu fyrirtæki eða starfsemi. 

Atvinnuráðgjafar vinnumiðlunar  leitast við að veita einstaklingsmiðaða þjónustu sem er sniðin að óskum atvinnurekenda. Fyllsta trúnaðar er gætt.

Öll þjónusta við atvinnurekendur er gjaldfrjáls.

Er þinn vinnustaður til fyrirmyndar?

Vinnumálastofnun stendur fyrir Fyrirmyndarviku vikuna, 14.–18. október. Í vikunni er vakin athygli á mikilvægi þess að auka möguleika fólks með skerta starfsgetu á fjölbreyttri atvinnuþátttöku undir yfirskriftinni „Virkjum hæfileikana, alla hæfileikana“.

Það er mikilvægt að allir hafi sömu tækifæri á vinnumarkaði en þau fyrirtæki sem hafa áhuga á því að aðstoða einstaklinga með skerta starfsgetu að komast út á vinnumarkaðinn og öðlast þannig hlutverk í samfélaginu geta sett sig í samband við Vinnumálastofnun á netfangið ams@vmst.is

Vinnumarkaðsúrræði

Að auki geta atvinnurekendur og atvinnuleitendur nýtt sér mismunandi vinnumarkaðsúrræði sem er helsta verkfæri Vinnumálastofnunar til að skapa ný sörf og koma atvinnuleitendum aftur út á vinnumarkaðinn.

 Hér er hægt að nálgast nánari upplýsingar um vinnumarkaðsúrræði. Atvinnuleitendur búa yfir margvíslegri reynslu, þekkingu og hæfni og ættu flest fyrirtæki að geta fundið starfsmenn við hæfi.
Helstu skilyrði fyrir ráðningu einstaklings í vinnumarkaðsúrræði eru að fyrirtækið þarf að vera skráð og í öruggum rekstri og hafi ekki sagt upp starfsmönnum síðustu mánuði.



Var efnið hjálplegt?

Þakka þér fyrir þitt álit.
Það væri gagnlegt að vita meira um hvað þér finnst.

Hvað er helst að?

Hunang vefstofa Merki Hunang vefstofu

Þessi vefur notar vefkökur (e. cookies).

Sjá nánar í persónuverndarstefnu Vinnumálastofnunar.