Hlusta

Uppgjörsleiðbeiningar vegna ráðningarstyrks – „Hefjum störf“

Upphæðir endurgreiðslna og tegund (viðfang) úrræðis vegna vinnumarkaðsúrræða eru eftirfarandi:

Mikilvægt er að reikningar séu skráðir á rétt Úrræði (Viðfang)

Viðfang 11141 - Ráðningarstyrkur:

Allir atvinnurekendur sem vilja ráða atvinnuleitanda til starfa.
Atvinnurekandi sem ræður atvinnuleitanda sem hefur verið á atvinnuleysisskrá í að minnsta kosti 1 mánuð fær styrk sem nemur allt að 307.430 kr. á mánuði að viðbættu 11,5% mótframlagi í lífeyrissjóð í allt að sex mánuði. Hámarksgreiðsla getur því verið 342.784 kr.
Ráðning atvinnuleitanda feli í sér aukningu á starfsmannafjölda og að stofnun eða sveitarfélag hafi a.m.k. einn starfsmann á launaskrá áður en til ráðningar atvinnuleitanda kemur.
Að stofnun, sveitarfélag félagasamtök eða fyrirtæki séu í skilum með launatengd gjöld og opinber gjöld, svo sem iðgjöld og mótframlag í lífeyrissjóð, stéttarfélagsgjöld og tryggingagjald.
Styrkur er greiddur í hlutfalli við starfshlutfall.

Viðfang 11142 - Fyrirtæki með færri en 70 starfsmenn:

Fyrirtæki sem ræður atvinnuleitanda sem hefur verið á atvinnuleysisskrá í að minnsta kosti 12 mánuði fær styrk sem nemur fullum mánaðarlaunum að hámarki 472.835 kr. á mánuði að viðbættu 11,5% mótframlagi í lífeyrissjóð í allt að sex mánuði. Hámarksgreiðsla getur því verið 527.211 kr.
Ráðning atvinnuleitanda feli í sér aukningu á starfsmannafjölda og að fyrirtækið hafi a.m.k. einn starfsmann á launaskrá áður en til ráðningar atvinnuleitanda kemur.
Fyrirtæki sé í skilum með launatengd gjöld og opinber gjöld, svo sem iðgjöld og mótframlag í lífeyrissjóð, stéttarfélagsgjöld og tryggingagjald.
Styrkur er greiddur í hlutfalli við starfshlutfall.

Viðfang 11143 - Stofnanir og sveitarfélög:

Stofnun eða sveitarfélag sem ræður atvinnuleitanda sem hefur verið á atvinnuleysisskrá í að minnsta kosti 24 mánuði fær styrk sem nemur fullum mánaðarlaunum að hámarki 472.835 kr. á mánuði að viðbættu 11,5% mótframlagi í lífeyrissjóð í allt að sex mánuði. Hámarksgreiðsla getur því verið 527.211 kr.
Einnig er hægt að greiða styrk vegna ráðningar á atvinnuleitendum sem fullnýttu bótarétt sinn eftir 1. október 2020.
Ráðning atvinnuleitanda feli í sér aukningu á starfsmannafjölda og að stofnun eða sveitarfélag hafi a.m.k. einn starfsmann á launaskrá áður en til ráðningar atvinnuleitanda kemur.
Að stofnun eða sveitarfélag sé í skilum með launatengd gjöld og opinber gjöld, svo sem iðgjöld og mótframlag í lífeyrissjóð, stéttarfélagsgjöld og tryggingagjald.
Styrkur er greiddur í hlutfalli við starfshlutfall.

Viðfang 11144 - Frjáls félagasamtök:

Frjáls félagasamtök sem starfa að góðgerðar-og/eða mannúðarmálum, eru ekki rekin í hagnaðarskyni og eru undanþegin skattskyldu
Frjáls félagasamtök sem ræður atvinnuleitanda sem hefur verið á atvinnuleysisskrá í að minnsta kosti 12 mánuði fær styrk sem nemur fullum mánaðarlaunum að hámarki 472.835 kr. á mánuði að viðbættu 11,5% mótframlagi í lífeyrissjóð í allt að sex mánuði.
Til viðbótar geta frjáls félagasamtök fengið sérstakan styrk sem nemur allt að 25% af fjárhæð þess styrks sem greiddur er hverju sinni vegna kostnaðar hlutaðeigandi félagasamtaka í tengslum við þau tímabundnu átaksverkefni sem um ræðir.
Ráðning atvinnuleitanda feli í sér aukningu á starfsmannafjölda og að félagasamtökin hafi a.m.k. einn starfsmann á launaskrá áður en til ráðningar atvinnuleitanda kemur.
Að félagasamtökin séu í skilum með launatengd gjöld og opinber gjöld, svo sem iðgjöld og mótframlag í lífeyrissjóð, stéttarfélagsgjöld og tryggingagjald.
Styrkur er greiddur í hlutfalli við starfshlutfall.

Farið er inn á vef Vinnumálastofnunar : https://vinnumalastofnun.is/
Valið er Rafrænir reikningar:
Þá birtist rafrænn reikningur.
a. Seljandi:
Viðkomandi fyllir út upplýsingar um seljanda (fyrirtæki/stofnun/sveitarfélag/félagasamtök) eins og við á. Mikilvægt er að fylla út í alla reitina. (Sjá dæmi um reikning hér að neðan)
1. Reikningsnúmer er það númer sem kemur upp í bókhaldskerfi seljanda

b. Kaupandi:
Þá er valið Atvinnuleysistryggingasjóður í fellistikunni.

Gjalddagi : Hér er gjalddagi reiknings skráður. Hægt er að velja eindaga 10 dögum eftir skráningardag.

Útgáfudagur reiknings : Hér er settur inn útgáfudagur

Deild : Hér þarf að setja inn rétta tegund úrræðis

1. Hefjum störf - Fyrirtæki

2. Hefjum störf - Sveitarfélag

3. Hefjum störf - félagasamtök

4. Hefjum störf - Ráðningarstyrkur

Nafn tengiliðs : Hér verður að setja inn nafn á viðkomandi tengilið sem sendir inn reikninginn

4.. Greiðslu upplýsingar : Hér þarf að fylla inn banka upplýsingar

Vörunúmer : Nauðsynlegt er að setja rétt viðfangsnúmer sem lýsir tegund úrræðis.

Viðfang	Tegund
11141	Ráðningarstyrkur
11142	Fyrirtæki með < 70 starfsmenn
11143	Stofnanir og sveitarfélög
11144	Frjáls félagasamtök

ATHUGIÐ: Ef atvinnurekendur eru með fleiri en einn starfsmann á sama viðfangsnúmeri má senda einn reikning fyrir þá alla, séu starfmenn hins vegar á mismunandi úrræðum verður að aðgreina þessa reikninga.

Heiti: Laun Jón Jónsson 2021 – 03
Magn: Hlutfall starfs miðað við fullt starf og fullan mánuð, margfaldað með fjölda mánaða.
Ein.verð: upphæð endurgreiðslu fyrir starfsmenn. Upphæðin fer eftir tegund umsóknar hverju sinni og eru með mótframlagi og án VSK.

Sé um tímavinnu að ræða má setja inn 1 í magn og upphæð eru þá heildar skattskyld laun með orlofi að viðbættu mótframlagi

*Upphæðina verður að setja inn með 11,5% mótframlagi í lífeyrissjóð, ef um er að ræða Frjáls Félagsamtök verður einnig að bæta við 25% styrk. Sé það ekki gert verður reikningnum hafnað og umsækjendur beðnir um að fylla út nýjan reikning.

5. Forsenda greiðslna er að í viðhengi séu afrit á PDF formi af :