Breytingar á fjárhæðum greiðslna úr Fæðingarorlofssjóði og ættleiðingarstyrks
Breytingar á fjárhæðum greiðslna úr Fæðingarorlofssjóði og ættleiðingarstyrks
Guðmundur Ingi Guðbrandsson félagsmála- og vinnumarkaðsráðherra hefur undirritað reglugerð um breytingar á fjárhæðum greiðslna úr Fæðingarorlofssjóði og fjárhæðum fæðingarstyrks til foreldra barna sem fæðast, eru ættleidd eða tekin í varanlegt fóstur á árinu 2022.
Samkvæmt reglugerð nr. 1658/2021 eru hámarksfjárhæð og lágmarksgreiðslur úr Fæðingarorlofssjóði með börnum fæddum 1. janúar 2022 og síðar:
- Hámarksfjárhæð skv. 1. mgr. 24. gr. laganna skal nema 600.000 kr. á mánuði.
- Lágmarksgreiðsla skv. 1. málsl. 3. mgr. 24. gr. laganna hækkar í 143.963 kr. á mánuði. (Foreldrar í 25-49% starfi)
- Lágmarksgreiðsla skv. 2. málsl. 3. mgr. 24. gr. laganna hækkar í 199.522 kr. á mánuði. (Foreldrar í 50-100% starfi)
Samkvæmt reglugerð nr. 1658/2021 eru greiðslur fæðingarstyrks með börnum fæddum 1. janúar 2022 og síðar:
- Fæðingarstyrkur skv. 1. málsl. 1. mgr. 38. gr. laganna hækkar í 87.062 kr. á mánuði. (Foreldrar utan vinnumarkaðar eða í minna en 25% starfshlutfalli)
- Fæðingarstyrkur skv. 2. málsl. 1. mgr. 38. gr. laganna hækkar í 199.522 kr. á mánuði. (Foreldrar í fullu námi)
Þá verða ekki breytingar á greiðslum til foreldra barna sem fæddust fyrir gildistöku reglugerðarinnar.
Tengill á reglugerð nr. 1658/2021; https://www.stjornartidindi.is/Advert.aspx?RecordID=42127c76-12f0-4303-a5eb-f5bc563f3a04
Ættleiðingarstyrkur
Frá 1. janúar 2022 verður ættleiðingarstyrkur 779.458 kr. skv. reglugerð nr. 1656/2021,
https://www.stjornartidindi.is/Advert.aspx?RecordID=d02b1267-f9c5-47fc-906f-d121c3920781
