Greiðslustofa atvinnuleysistrygginga
Túnbraut 1-3, 545 Skagaströnd
Sími: 515 4800
greidslustofa@vmst.is
Opið er í símaveri frá klukkan 9:00 til 15:00 mánudag til fimmtudags og föstudaga frá klukkan 09:00 -12:00
Greiðslur atvinnuleysistrygginga/atvinnuleysisbóta fyrir allt landið fara fram hjá Greiðslustofu Vinnumálastofnunar
Greiðslur atvinnuleysistrygginga fara fram 1. virka dag hvers mánaðar og er greitt fyrir einn mánuð í einu sem nær yfir tímabilið frá 1. til 31.
- Til dæmis í útborgun þann 1. mars er verið að greiða fyrir tímabilið 1. febrúar til 28. febrúar.
Athygli er vakin á því að að umsækjendur þurfa að staðfesta atvinnuleit sína mánaðarlega frá 20. – 25. hvers mánaðar til að tryggja greiðslur um mánaðarmót. Atvinnuleit er staðfest á "Mínar síður" atvinnuleitanda.
- Greiðslur til umsækjenda sem staðfesta atvinnuleit frá 20. - 25. hvers mánaðar eru afgreiddar fyrsta virka dag í mánuði.
- Greiðslur til umsækjenda sem staðfesta atvinnuleit sína milli 25. og 3. næsta mánaðar eru ekki afgreiddar fyrr en 5 virkum dögum eftir mánaðamót.
- Greiðslur til umsækjanda sem staðfesta atvinnuleit sína eftir 3. næsta mánaðar greiðast með útborgun næstu mánaðarmóta.
Athygli er vakin á því að umsækjendur þurfa að gefa upplýsingar um allar tekjur sem þeir hafa. Gögnum er ávallt hægt að skila á Mínum síðum atvinnuleitanda á vef Vinnumálastofnunar. Sjá nánar Réttindi og skyldur atvinnuleitenda.
