Ásmundur Einar Daðason, félags- og barnamálaráðherra, hefur undirritað reglugerð um greiðslu desemberuppbótar til atvinnuleitenda sem tryggðir eru innan atvinnuleysistryggingakerfisins. Hámarksfjárhæð desemberuppbótarinnar er 86.853 kr. Með hverju barni á framfærslu atvinnuleitanda er greitt aukalega 6% af óskertri desemberuppbót eða 5.211 kr. fyrir barn yngra en 18 ára.
Ársfundur Vinnumálastofnunar 2020 verður haldinn fimmtudaginn 19. nóvember kl. 15:00.
Almennt atvinnuleysi var 9,9% í október sem er nokkur aukning frá fyrri mánuðum. Atvinnuleysið var 9,0% í september, 8,5% í ágúst og 7,9% í júlí.Atvinnuleysi tengt minnkuðu starfshlutfalli jókst í október og var 1,2%, en var 0,8% í september og 0,9% í júlí og ágúst.
Alls bárust 2 tilkynningar um hópuppsagnir í október, þar sem 70 starfsmönnum var sagt upp störfum, 35 í verslunarstarfsemi og 35 í veitingastarfsemi langflestum á höfuðborgarsvæðinu.
