Ljóst er að vegna þeirra óvenjulegu aðstæðna sem upp eru komnar, meðal annar í starfsemi Vinnumálastofnunar, er ljóst að úrvinnslutími inn kominna umsókna um tímabundin atvinnuleyfi mun lengjast nokkuð.
English below - Polski poniżej
Vinnumálastofnun áætlar að atvinnuleysi aukist í 10-11% nú í apríl og maí, bæði vegna fjölgunar almennra umsókna um atvinnuleysisbætur, en fyrst og fremst þó vegna fjölda þeirra sem eru að sækja um vegna minnkaðs starfshlutfalls.
Vinnumálastofnun vill koma á framfæri að úrræðið um minnkað starfshlufall gildir um alla atvinnurekendur sem lenda í samdrætti vegna COVID- 19. Það á einnig við um opinberar stofnanir, sveitarfélög og fyrirtæki á þeirra vegum.
Nú er búið að opna fyrir umsóknir um minnkað starfshlutfall. Sótt er um í gegnum mínar síður hjá Vinnumálastofnun. Launafólk fer inn á mínar síður atvinnuleitenda en atvinnurekendur á mínar síður atvinnurekanda.
Vegna mikiils álags á tölvupóstkerfi Vinnumálastofnunar hvetjum við atvinnurekendur til að skila inn staðfestingu starfstímabila á mínar síður atvinnurekanda en ekki að senda í tölvupósti.
Þá er Vinnumálastofnun að vinna að stafrænni lausn fyrir staðfestingu á minnkuðu starfshlutfalli. Atvinnurekendur geta því ekki skilað inn nauðsynlegum staðfestingum frá sér varðandi minnkandi starfshlutfall fyrr en lausnin er tilbúin.
Alþingi hefur samþykkt frumvarp Ásmundar Einars Daðasonar, félags- og barnamálaráðherra, um rétt til greiðslu atvinnuleysisbóta samhliða minnkuðu starfshlutfalli vegna tímabundins samdráttar í starfsemi vinnuveitenda. Athugið að það er ekki hægt að sækja strax um þessar greiðslur þar sem umsóknarformið er ekki tilbúið. Vinnumálastofnun leggur nú kapp á að vinna að stafrænni útfærslu fyrir þessa umsókn og er ekki hægt að sækja um minnkað starfshlutfall á vef Vinnumálastofnunar meðan á þeirri vinnu stendur.
Þegar sótt er um atvinnuleysisbætur hjá Vinnumálastofnun, vegna verkefnaskorts, skal sjálfstætt starfandi einstaklingur fylla út þetta skjal RSK 5.02 https://www.rsk.is/media/rsk05/rsk_0502.is.pdf
Að því loknu skal senda skjalið til rsk@rsk.is og um leið skal fylgja beiðni þess efnis að skattayfirvöld sendi staðfestingu á afskráningu til Greiðslustofu Vinnumálastofnunar.
Athugið að það er ekki hægt að sækja um minnkað starfshlutfall vegna samdráttar eins og er þar sem frumvarpið er enn til meðferðar á Alþingi og því liggur endanleg útfærsla ekki fyrir. Þrátt fyrir það leggur Vinnumálastofnun nú kapp á að vinna að stafrænni útfærslu fyrir þessa umsókn miðað við frumvarpsdrögin og á meðan á þeirri vinnu stendur er ekki hægt að sækja um minnkað starfshlutfall á vef Vinnumálastofnunar. Við munum senda út tilkynningu þegar umsóknargrunnurinn er tilbúinn og einstaklingar sem fara í minnkað starfshlutfall geta sótt um. Athugið að allar umsóknir munu gilda afturvirkt frá 15. mars.Vinnumálastofnun biður fólk um að sýna biðlund vegna mikils álags og hvetur alla til að fylgjast með tilkynningum á heimasíðu stofnunarinnar.
Fyrir þingi liggur frumvarp til breytingar á lögum um atvinnuleysistryggingar á minnkuðu starfshlutfalli.
