Það er stefna Vinnumálastofnunar að starfsmenn sýni samstarfsfólki sínu alltaf kurteisi og virðingu í samskiptum. Einelti og kynferðisleg áreitni verður undir engum kringumstæðum umborin á vinnustöðum stofnunarinnar. Meðvirkni starfsmanna í einelti er fordæmd.

Skilgreining stofnunarinnar á hvað einelti og kynferðisleg áreitni er styðst við reglugerð nr. 1000/2004 en þar segir í 3. gr.:

Einelti: Ámælisverð eða síendurtekin ótilhlýðileg háttsemi, þ.e. athöfn eða hegðun sem er til þess fallin að niðurlægja, gera lítið úr, móðga, særa, mismuna eða ógna og valda vanlíðan hjá þeim sem hún beinist að. Kynferðisleg áreitni og annað andlegt eða líkamlegt ofbeldi fellur hér undir.

Stjórnendur bera ekki aðeins ábyrgð á störfum starfsfólks heldur einnig á því að grundvallar­reglur samskipta á vinnustað séu virtar. Nýjum starfsmönnum er kynnt stefna og viðbragðsáætlun stofnunarinnar í eineltismálum strax við upphaf starfs.

Stefnan og viðbragsáætlunin eru rifjaðar upp reglulega á starfsmannafundum.

Á vinnustöðum geta komið upp ágreiningsmál og hagsmunaárekstrar sem valdið geta óþægindum. Mikilvægt er að leita til næsta yfirmanns eða trúnaðarmanns og leitast við  að leysa slík mál án tafar áður en þau þróast til verri vegar.

Tekið verður á fölskum ásökunum um einelti af sömu festu og einelti almennt.

Komi upp einelti skulu þolendur leita til næsta yfirmanns. Ef yfirmaðurinn er gerandinn eða hundsar vandamálið er hægt að leita til tveggja annarra aðila (sjá næsta kafla). Þessir aðilar skulu sýna þolanda fullan trúnað.

Jafnlaunastefna og markmið Vinnumálastofnunar. 4.2

Stefna Vinnumálastofnunar er að allir starfsmenn njóti jafnra launa og sömu kjara fyrir sömu eða jafnverðmæt störf þannig að enginn ómálefnalegur launamunur sé til staðar. 

Forstjóri ber ábyrgð á jafnlaunakerfi stofnunarinnar. Hann ber einnig ábyrgð á jafnlaunastefnu og að þeim lagalegu kröfum og öðrum kröfum sem tengjast jafnlaunakerfinu sé framfylgt. Mannauðsstjóri er tilnefndur fulltrúi yfirstjórnar varðandi jafnlaunakerfi og er ábyrgur fyrir innleiðingu og viðhaldi þess í samræmi við staðalinn ÍST 85.

Til að framfylgja jafnlaunastefnu skuldbindur stofnunin sig til að skjalfesta, innleiða, viðhalda og bæta stöðugt stjórnun jafnlaunakerfisins í samræmi við kröfur staðalsins og ákvarða hvernig kröfur hans verða uppfylltar. Stofnunin hefur innleitt verklag og skilgreint viðmið við ákvörðun launa þar sem hver og einn fær greitt fyrir starf sitt út frá verðmæti þess óháð kyni, kynvitund eða öðrum ómálefnalegum ástæðum. 

Markmið stofnunarinnar er vera eftirsóttur vinnustaður og að konur og karlar hafi jöfn tækifæri í starfi. Óútskýrður launamunur kynja skal ekki vera meiri en 2%.

Til þess að ná því markmiði mun stofnunin:

• Innleiða vottað jafnlaunakerfi sem byggist á jafnlaunastaðlinum ÍST 85, það skjalfest og því viðhaldið.
• Framkvæma launagreiningu a.m.k. einu sinni á ári þar sem borin eru saman jafnverðmæt störf og athugað hvort mælist munur á launum eftir kyni og kynna helstu niðurstöður fyrir starfsfólki.
• Bregðast við óútskýrðum launamun með stöðugum umbótum og eftirliti. Ef um óútskýrðan mun hjá einstaklingi er að ræða skal bregðast við því strax en ef um óútskýrðan mun er að ræða milli hópa skal leiðrétta það frá og með næstu áramótum.
• Gera innri úttekt og halda rýni stjórnenda árlega. 
• Fylgja viðeigandi lögum, reglum og kjarasamningum sem í gildi eru á hverjum tíma og staðfesta á fundi hlítni við lög.
• Kynna stefnuna árlega fyrir starfsmönnum stofnunarinnar. Stefnan skal einnig vera almenningi aðgengileg á ytri vef stofnunarinnar.

Jafnlaunastefnan er órjúfanlegur hluti af launastefnu Vinnumálastofnunar.

Ágúst 2018

Ábyrgðarmaður jafnlaunastefnunnar er 
Gissur Pétursson forstjó

innumálastofnun vinnur að þeim verkefnum sem henni er falið skv. lögum á hverjum tíma auk annarra verkefna sem velferðarráðherra felur henni.
Markmið stefnunnar er að:

• Upplýsa viðskiptavini hennar og almenning (ytri upplýsingamiðlun).
• Upplýsa stjórn og starfsmenn (innri upplýsingamiðlun).
• Kynna stofnunina með skipulögðum og samræmdum hætti.
• Byggja upp góða ímynd og traust á störfum hennar.

Ytri kynningar- og upplýsingamál

Markmið

Vinnumálastofnun veitir góðan aðgang að upplýsingum um þau málefni sem stofnunin fer með og um verkefni hennar. Stofnunin sinnir öflun, úrvinnslu og birtingu tölulegra upplýsinga um vinnumarkaðsmál s.s. atvinnuleysi og úrræði sem í boði eru. Stofnunin kynnir verkefni sín og starfsemi með markvissum og sýnilegum hætti.

Framkvæmd

Vefsíða Vinnumálastofnunar (www.vmst.is) þjónar lykilhlutverki í upplýsingagjöf til viðskiptavina og hagsmunaaðila.
Stofnunin heldur ársfund og gefur út ársskýrslu þar sem nálgast má upplýsingar um starfsemi stofnunarinnar.
Skýrslur um vinnumarkaðsmál og árangur ýmissa vinnumarkaðssúrræða eru aðgengilegar á vefsíðu stofnunarinnar auk þess sem stofnunin hefur frumkvæði að kynningarfundum fyrir utanaðkomandi aðila.
Upplýsingagjöf til fjölmiðla, hagsmunaaðila, stofnana, fyrirtækja og opinberra aðila.
Þátttaka í fundum, ráðstefnum og öðrum atburðum sem tengjast starfsemi stofnunarinnar. Stofnunin nýtir samfélagsmiðla með samræmdum hætti til að deila upplýsingum.

Ábyrgð

Forstjóri ber ábyrgð á upplýsingagjöf stofnunarinnar og kemur fram fyrir hönd hennar en aðstoðarforstjóri í fjarveru forstjóra.
Forstjóri felur kynningarteymi stofnunarinnar að vinna að framkvæmd upplýsingastefnunnar eftir nánari lýsingu.
Vefstjóri ber ábyrgð á vefsíðu stofnunarinnar.

Innri upplýsingamiðlun

Markmið

Markmið innri upplýsingamiðlunar er að upplýsa starfsmenn um starfsemi stofnunar og verkefni.

Framkvæmd

Upplýsingagjöf til starfsmanna fer fram með eftirfarandi hætti:

• Með upplýsingagjöf í gegnum Workplace samfélagsmiðaðan innri vef starfsmanna.
• Á deildar/sviðsfundum og starfsmannafundum er upplýsingum einnig komið á framfæri.
• Í gæðahandbók er að finna upplýsingar um vinnuferla verkefna stofnunarinnar.
• Með morgunfundum á þriðjudögum og síðdegisfundum á föstudögum sem er vettvangur fyrir upplýsingagjöf til starfsfólks um hin ýmsu málefni sem tengjast stofnuninni á einn eða annan hátt.

Ábyrgð

Yfirstjórn (sviðsstjórar og forstjóri) bera ábyrgð á því að upplýsingum sé komið á framfæri til starfsmanna.
Sérhver starfsmaður ber ábyrgð á því að upplýsingum sé komið á framfæri á Workplace, samfélagsmiðuðum innri vef starfsfólks.
Endurmat
Sviðsstjóri Upplýsingatækni- og rannsóknarsviðs tekur upp stefnuna í októbermánuði hvers árs og yfirfer með sérfræðingum málaflokksins.

Vinsamlegast athugið að þessi tölvupóstur og viðhengi hans eru eingöngu ætluð þeim sem tölvupósturinn er stílaður á og gætu innihaldið upplýsingar sem eru trúnaðarmál. Hafir þú fyrir tilviljun, mistök eða án sérstakrar heimildar tekið við tölvupósti þessum og viðhengjum hans biðjum við þig að fara eftir 9. mgr. 47. gr. laga um fjarskipti nr. 81/2003og gæta fyllsta trúnaðar, hvorki lesa efni þeirra né skrá þau hjá þér né notfæra þau á nokkurn hátt og tilkynna okkur samstundis að þau hafi ranglega borist þér. Brot gegn þessu varða bótaábyrgð og refsingu skv. 74. gr. laganna.


English
Please note that this e-mail and its attachments are intended for the named addressee only and may contain information that is confidential and privileged. If you have by coincidence or mistake or without specific authorization received this e-mail and its attachments we request that you notify us immediately that you have received them in error, uphold strict confidentiality and neither read, copy, nor otherwise make use of their content in any way.