Fréttir

Þann 25. mars sl. fór fram ráðstefna í Kaupmannahöfn um atvinnuleysi ungmenna með áherslu á svokallaðan NEETs hóp (Not in employment, education or training). Vinnumálastofnun fékk þar tækifæri til að kynna þær aðferðir sem unnið var með í verkefninu Atvinnutorg á árunum 2012-2014 og innleiddar voru inn í ráðgjöf hjá Vinnumálastofnun um áramótin síðustu. Ráðgjöfin lítur að mjög einstaklingsmiðaðri nálgun við hóp ungra atvinnuleitenda sem þurfa á slíku að halda til að komast í vinnu eða nám.

Þann 17. apríl sl. hóf Vinnumálastofnun að birta bréf og ákvarðanir frá Greiðslustofu stofnunarinnar með rafrænum hætti. Geta nú þjónustuþegar stofnunarinnar lesið bréf sem Greiðslustofa sendir þeim inn á „mínum síðum“ undir flipanum „Rafræn skjöl“ (sjá meðfylgjandi mynd). Atvinnuleitendum er einnig send tilkynning á tölvupósti.

Frá og með 1. maí 2015 mun Starf vinnumiðlun og ráðgjöf ehf. hætta starfsemi sinni og þar með talið þjónustu við atvinnuleitendur. 

Skýrslan um Stöðu og horfur á vinnumarkaði fyrir árin 2015-2017 er hægt að nálgast hér á heimasíðu Vinnumálastofnunnar. Í skýrslunni fara sérfræðingar stofnunarinnar yfir landslagið á íslenskum vinnumarkaði næstu árin og greina hvar framboð og eftirspurn er eftir atvinnugrein og menntun.

Vinnumálastofnun er þessa dagana að senda frá sér skýrslu um stöðu og horfur á íslenskum vinnumarkaði fyrir árin 2015-2017. Þar rýna sérfræðingar stofnunarinnar í landslagið á íslenskum vinnumarkaði næstu árin og greina hvar framboð og eftirspurn liggi eftir atvinnugreinum og menntun.

Alls bárust Vinnumálastofnun 3 tilkynningar um hópuppsagnir í mars þar sem 90 manns var sagt upp störfum þar af 61 í leigustarfsemi og ýmsri sérhæfðri þjónustu, en þeim hefur öllum verið boðin vinna undir öðrum rekstraraðilum, 15 hefur verið sagt upp í opinberri stjórnsýslu og 14 í landbúnaði, skógrækt og fiskveiðum. Flestar hópuppsagnirnar taka gildi á tímabilinu maí til október 2015.

Eygló Harðardóttir, félags- og húsnæðismálaráðherra, hefur ákveðið í samræmi við tillögu Vinnumálastofnunar, að verja um 150 milljónum króna úr Atvinnuleysistryggingasjóði til að standa straum af átaksverkefni til að skapa störf fyrir námsmenn í sumar hjá opinberum stofnunum og sveitarfélögum,  með líkum hætti og hefur verið gert sl. fimm sumur. Vinnumálastofnun mun sem fyrr stýra  átakinu.  

Virkjum hæfileikana - alla hæfileikana er samstarfsverkefni Vinnumálastofnunar, Öryrkjabandalags Íslands og Þroskahjálpar. Verkefnið miðar að því að skapa störf fyrir atvinnuleitendur með skerta starfsgetu.  Vinnumálastofnun  og félagar í Átaki heimsækja um þessar mundir stofnanir og sveitarfélög og afhenda hvatningargrip til þess að fjölga starfstækifærum fyrir fólk með skerta starfsgetu.

Rúmlega 300 manns mættu á starfakynningu EURES sem haldin var mánudaginn 23. mars að frumkvæði EURES í Noregi. Sjö norsk fyrirtæki og eitt sveitarfélag kynntu fjölbreytt atvinnutækifæri og að auki voru norskir EURES ráðgjafar til viðtals fyrir áhugasama atvinnuleitendur. Fulltrúar norsku fyrirtækjanna voru almennt mjög ánægðir í lok dags og sögðust hafa hitt fyrir marga góða og hæfa umsækjendur.